Jurgen Klopp, stjóri Liverpool vonast til þess að Joel Matip geti æft í dag eða á morgun. Hann vonast til að hann geti spilað gegn Manchester United á sunnudag.

Það gæti orðið hausverkur fyrir Jurgen Klopp, stjóra Liverpool að stilla upp varnarlínu ef Matip getur ekki spilað.

„Matip er nálægt þessu, er í lagi að spila honum eftir eina eða tvær æfingar? Ég veit það ekki, við sjáum hvernig hann æfir. Það er ekkert ákveðið,“ sagði Klopp en Naby Keita verður fjarverandi vegna meiðsla.

Matip hefur ekki spilað síðan í 1-1 jafntefli við West Brom í lok desember. Hann finnur fyrir eymslum framan í læri og hefur ekki getað æft.

Matip er meiðslagjarn en í fjarveru Virgil van Dijk og Joe Gomez er mikilvægt fyrir Klopp að hafa Matip heilan heilsu.

EF Matip nær ekki leiknum mun Klopp líklega velja á milli Nat Phillips eða Rhys Williams til að spila með Fabinho í hjarta varnarinnar. Jordan Henderson lék sem miðvörður í síðasta deildarleik en það er talið ólíklegt að Klopp fari þá sömu leið aftur.