Knattspyrnumaðurinn fyrrverandi, Rúrik Gíslason nýtur nú lífsins í Brasilíu þar sem hann hefur dvalið síðustu vikur. Rúrik ákvað á dögunum að leggja skóna á hilluna eftir farsælan feril með íslenska landsliðinu og sem atvinnumaður.
Síðan þá hefur Rúrik leikið í bíómynd sem kemur út á næsta ári og unnið að tónlist, þá á hann hlut í Glacier Gin og fatamerkinu, Bökk sem notið hefur vinsælda.
Á ferðalagi sínu um Brasilíu hefur Rúrik verið duglegur að birta efni á samfélagsmiðlum, enginn mynd hefur þó vakið eins mikla athygli og mynd þar sem Rúrik virðist hanga á bjargbrún. Hann virðist í stórhættu ef hann missir takið.
View this post on Instagram
Þeir sem eru frá Brasilíu þekkja hins vegar sannleikann á bak við þessa mynd og er það augljóst í svörum við myndina af Rúrik. „Allir frá Brasilíu þekkja leyndarmálið við þessa „áhættu“,“ skrifar ein ung kona við mynd Rúriks.
Íslendingar hafa einnig velt þessu fyrir sér og Sindri Sindrason birtir sannleikann á bak við myndina á Twitter. „Þetta er svo geggjað dæmi,“ skrifar Sindri og birtir myndirnar hér að neðan.
Þetta er svo geggjað dæmi. pic.twitter.com/DvKVp57p8E
— Sindri R. Sindrason (@Sindrason) January 12, 2021