Hinn 53 ára gamli Kazuyoshi Miura, framherji Yokohama FC framlengdi samning sinn hjá liðinu á dögunum og mun því leika með því næsta árið.
Miura er elsti markaskorari í sögu atvinnumannaknattspyrnu í Japan, þá nafnbót fékk hann er hann skoraði gegn Thespakusatsu Gunma árið 2017. Hann verður orðinn 54 ára þegar samningur hans við Yokohama FC rennur út.
„Þrá mín og ástríða fyrir knattspyrnu er bara að aukast,“ sagði Miura eftir að hafa framlengt samning sinn við Yokohama FC
Miura gekk til liðs við Yokohama FC árið 2005 og hefur leikið með liðinu síðan þá. Miura á að baki 89 landsleiki fyrir Japans hönd og skoraði 55 mörk í þeim leikjum.
✍️ 𝐑𝐞𝐭𝐮𝐫𝐧 𝐨𝐟 𝐭𝐡𝐞 𝐊𝐢𝐧𝐠 👑
At 11:11 on January 11th, @yokohama_fc announced big news about their #11: The renewal of 53-year-old forward Kazuyoshi Miura’s contract for the 2021 season! https://t.co/tz6iu2WTs5
— J.LEAGUE Official EN (@J_League_En) January 11, 2021
Í viðtali við BBC árið 2019 var Miura spurður að því hvert leyndarmálið væri á bak við að geta spilað knattspyrnu svona lengi.
Hann segir að það sé ekkert leyndarmál, þetta snúist bara um að leggja hart að sér og hafa metnað fyrir því sem maður tekur sér fyrir hendur.
Leyndarmálið felst kannski í því að hann nýtur þess ennþá að spila knattspyrnu.
„Ég nýt þess ennþá að spila knattspyrnu, hverja einustu stund. Jafnvel meira en þegar að ég spilaði í upphafi ferilsins í Brasilíu,“ sagði Miura í samtali við BBC árið 2019.
