Fjórir leikir fóru fram í ensku úrvalsdeildinni fyrr í dag.

Everton 2-0 Norwich

Everton vann Norwich 2-0. Andros Townsend kom þeim yfir á 29. mínútu með marki úr vítaspyrnu. Abdoulaye Doucoure tvöfaldaði svo forystuna á 77. mínútu.

Leeds 1-2 West Ham

West Ham vann góðan 1-2 útisigur gegn Leeds United.

Raphinha kom Leeds yfir á 19. mínútu. Um miðjan seinni hálfleik varð Junior Firpo, leikmaður Leeds, fyrir því óláni að skora sjálfsmark.

Michail Antonio skoraði svo sigurmark West Ham á 90. mínútu.

Leicester 2-2 Burnley

Leicester og Burnley gerðu 2-2 jafntefli á heimavelli fyrrnefnda liðsins.

Burnley komst yfir á 12. mínútu þegar Jamie Vardy skoraði sjálfsmark. Hann skoraði svo í rétt mark á 37. mínútu og jafnaði leikinn.

Maxwel Cornet skoraði sitt fyrsta mark í ensku úrvalsdeildinni á 40. mínútu og kom Burnley aftur yfir.

Jamie Vardy jafnaði hins vegar aftur á 85. mínútu.

Watford 1-1 Newcastle

Watford fékk Newcastle í heimsókn og gerðu liðin 1-1 jafntefli.

Sean Longstaff kom gestunum yfir á 23. mínútu. Ismaila Sarr jafnaði á 72. mínútu.