Daniel James leikmaður Leeds lék allar 90 mínúturnar þegar liðið vann sigur á QPR í deildarbikarnum í gær. Jafntefli var eftir venjulegan leiktíma en Leeds vann í vítaspyrnukeppni.
Fyrr um daginn hafði James orðið faðir en þetta var fyrsta barn hans og Ria Hughes unnustu hans.
James býr enn í Manchester en hann yfirgaf Manchester United í lok ágúst og gekk í raðir Leeds.
„Strákurinn minn fæddist í dag, ég vil þakka stjóranum fyrir að leyfa mér að vera í Manchester í dag,“ sagði James.
„Þetta var magnaður dagur fyrir mig og unnustu mína, ég er stoltur af henni.“
„Stjórinn leyfði mér að hafa þetta svona, hann fæddist í hádeginu. Það hefði tekið of langan tíma að fara með bíl svo ég fór upp í þyrlu. Þetta er dagur sem ég gleymi aldrei.“
