KV og Völsungur mættust í næst síðustu umferð 2. deildar karla á Húsavík í gær. Liðin eru í 2. og 3. sæti deildarinnar en Þróttur V. hefur þegar tryggt sér titilinn og sæti í Lengjudeildinni á næstu leiktíð.
Leiknum lauk með 1-1 jafntefli. Nikola Dejan Djuric kom KV yfir áður en Sæþór Olgeirsson jafnaði fyrir Völsunga. KV þarf nú á sigri að halda í lokaumferðinni til tryggja sér sæti í Lengjudeildinni á næstu leiktíð, en liðið er í 2. sæti með 38 stig, stigi á undan Völsungi í 3. sæti.
Múmían, sem hefur verið lukkudýr KV frá stofnun félagsins skjögraði inn á völlinn í upphafi leiks áður en henni var vísað af velli af vallarstarfsmanni.
Myndband af atvikinu má sjá hér að neðan.
1-1 svekkjandi lokatölur á Húsavík. Áfram höldum við í lokaleikinn. Þökkum stuðning úr stúkunni þar sem KV múmían fór á kostum. Sjáumst á KV Park á laugardag #KVnation pic.twitter.com/YfNT6JUFKc
— KV Fótbolti (@KVfotbolti) September 11, 2021
