Jerome Boateng varnarmaður Lyon og fyrrum leikmaður FC Bayern hefur verið dæmdur sekur fyrir að hafa bitið fyrrum eiginkonu sína. Boateng er einnig dæmdur sekur fyrir að hafa hrækt á hana blóði og kýlt hana í magan.

Boateng mætti fyrir dómara í Munchen í gær og í dag, hann þarf ekki að fara í fangelsi en þarf að greiða 270 milljónir í sekt.

Boateng hafði hafnað sök en hann yfirgaf Bayern í sumar og gekk í raðir Lyon. Áður hafði hann meðal annars spilað með Lyon.

Sherin Senler hafði kært Boateng en þau eiga saman tvíbura. Boateng var dæmdur til að greiða hæstu mögulegu sekt.

Boateng hefur mikið verið í fréttum fyrir málefni utan vallar. Kasia Lenhardt 25 ára fyrirsæta í Þýskalandi fannst látin í íbúð sinni í Berlín á síðasta ári. Þá var rúm vika liðin síðan að Lenhardt og Boateng slitu sambandi sínu. Þýskir fjölmiðlar greindu frá því að Kasia hafi fundist látin í lúxusíbúð í eigu Boateng. Íbúðin er staðsett í Charlottenborg hverfinu í Berlín.

Þar segir enn fremur að Kasia sé talin hafa tekið eigið líf sama dag og sonur hennar fagnaði sex ára afmæli sínu.