fbpx
Miðvikudagur 25.maí 2022
433Sport

Bæting á Ólafsvík eftir komu Guðjóns – ,,Ekki alltaf harmleikur að falla um deildir“

Helgi Sigurðsson
Þriðjudaginn 17. ágúst 2021 19:00

Guðjón Þórðarson. © 365 ehf / Anton Brink

Ekki missa af Helstu tíðindum dagsins í pósthólfið þitt

Lesa nánar

Víkingur Ólafsvík vann sinn fyrsta leik á tímabilinu í Lengjudeild karla gegn Þór í síðustu umferð. Guðjón Þórðarson tók við liðinu aftur í byrjun síðasta mánaðar. Í Markaþætti Lengjudeildarinnar á Hringbraut í gær var framför Ólsara undir stjórn Guðjóns til umræðu.

,,Þeir eru klárlega að bæta sig. Það hefur sést með hverjum leiknum hjá Gaua að þetta verður betra og betra. Í þessum leik finnst mér líka bara áhugavert að það er ekki eins og þeir séu að liggja til baka, pakka og beita skyndisóknum. Þeir eru bara að spila hörkugóðan bolta og í fyrri hálfleik voru þeir bara miklu betri en Þórsarar,“ sagði Hrafnkell Freyr Ágústsson, sérfræðingur þáttarins.

Tímabilið hefur heilt yfir verið mjög erfitt fyrir Ólsara. Liðið er í neðsta sæti með aðeins 5 stig eftir 15 leiki. Enn eru 10 stig upp í öruggt sæti í deildinni þrátt fyrir 0-2 sigurinn gegn Þór. Þess má þó geta að Víkingar eiga leik til góða á liðin fyrir ofan sig.

,,Þetta er aðeins of seint kannski. Þeir eru 10 stigum í þetta örugga sæti en þetta er rosalega ungt lið þannig ef Guðjóni tekst að halda í sama kjarna þá ættu þeir að geta spyrnt sér upp strax aftur,“ sagði Hörður Snævar Jónsson, þáttastjórnandi.

Hrafnkell tók í sama streng. ,,Ef hann heldur í þessa lánsmenn frá Skaganum, Breiðabliki og fleiri liðum, plús það að bæta ungu strákanna hjá Ólafsvík, þá geta þeir alveg farið upp úr 2. deildinni á næsta ári og unnið út frá því.“

,,Það er ekki alltaf harmleikur að falla um deildir, getur oft sparkað í rassinn á mönnum,“ sagði Hörður að lokum.

Hér fyrir neðan má sjá umfjöllunina um Víking Ólafsvík, sem og Markaþátt Lengjudeildarinnar í heild sinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Vandræðagemsinn stal fyrirsögnunum á titilfögnuði City – ,,Takið hann af velli sem fyrst“

Vandræðagemsinn stal fyrirsögnunum á titilfögnuði City – ,,Takið hann af velli sem fyrst“
433Sport
Fyrir 17 klukkutímum

Uppfyllir hinstu ósk umboðsmannsins umdeilda og tekur við stjórnartaumunum

Uppfyllir hinstu ósk umboðsmannsins umdeilda og tekur við stjórnartaumunum
433Sport
Í gær

Lögreglan ætlar ekkert að aðhafast í máli Vieira eftir að hann sparkaði í stuðningsmann

Lögreglan ætlar ekkert að aðhafast í máli Vieira eftir að hann sparkaði í stuðningsmann
433Sport
Í gær

Þakkar pirruðum forráðamönnum Real Madrid fyrir – Ætlar að styðja liðið gegn Liverpool

Þakkar pirruðum forráðamönnum Real Madrid fyrir – Ætlar að styðja liðið gegn Liverpool
433Sport
Í gær

Sjáðu sturluð tilþrif Balotelli í leik með Birki og félögum

Sjáðu sturluð tilþrif Balotelli í leik með Birki og félögum
433Sport
Í gær

Sjáðu myndirnar: Stjörnum prýtt partí langt fram eftir nóttu

Sjáðu myndirnar: Stjörnum prýtt partí langt fram eftir nóttu