Selfoss tapaði 2-1 gegn Gróttu í síðustu umferð Lengjudeildar karla. Annað mark Gróttu kom eftir hornspyrnu. Þar litu Selfyssingar ansi illa út í varnarleiknum. Leikmenn Gróttu fengu að skalla boltann tvisvar á milli sín áður en Arnar Þór Helgason kom boltanum í netið. Leikmenn Selfoss virtust hafa lítinn áhuga á að verjast.
,,Þetta er barnalegur varnarleikur. Þegar þú spilar svona vörn er ekki skrýtið að þú sért í fallbaráttu,“ sagði Kristján Óli Sigurðsson um markið í Markaþætti Lengjudeildarinnar á Hringbraut í gær. Kristján var sérfræðingur þáttarins.
Selfoss er í tíunda sæti Lengjudeildarinnar með 12 stig, 2 stigum fyrir ofan fallsæti.
Myndband af marki Arnars Þórs má sjá hér fyrir neðan. Þar má einnig horfa á Markaþátt Lengjudeildarinnar í heild sinni.
