PSG hefur staðfest komu Lionel Messi til félagsins á frjálsri sölu. Gerir þessi magnaði leikmaður tveggja ára samning.
Messi mun skrifa undir tveggja ára samning við PSG en samningurinn er með ákvæði um að framlengja hann til ársins 2024 ef aðilar hafa áhuga á slíku.
Messi mun þéna 5,2 milljarða íslenskra króna í laun á ári hjá PSG samkvæmt fréttum að utan.
Leo Messi with Paris Saint-Germain fans at the airport. Celebration time after official announcement. 🇫🇷🌟 #PSG #Messi pic.twitter.com/4Zu4V6wS7D
— Fabrizio Romano (@FabrizioRomano) August 10, 2021
Messi sem er 34 ára gamall hefur spilað með Barcelona alla tíð og ætlaði að vera áfram, fjárhagstaða félagsins er slæm og gat félagið ekki framlengt við Messi.
Lionel Messi grét á blaðamannafundi í fyrradag er hann kvaddi uppeldisfélag sitt, Barcelona. „Ég og fjöldskyldan mín vorum sannfærð um að við myndum vera hérna áfram, heima,“ sagði hann á blaðamannafundi á sunnudaginn.
Neymar fyrrum liðsfélagi Messi hjá Barcelona hefur boðið honum að fá treyju númer 10 í París, Neymar vill ólmur fá sinn gamla vin til Parísar. Messi hefur hins vegar afþakkað það boð samkvæmt frönskum fjölmiðlum.
Þar segir að Messi vilji ekki taka treyjuna af Neymar og fari frekar í treyju númer 19, það númer notaði hann til að byrja með hjá Barcelona.
— Paris Saint-Germain (@PSG_inside) August 10, 2021
