Vestri og ÍR eru komin áfram í 8-liða úrslit Mjólkurbikars karla eftir sigra í 16-liða úrslitum í kvöld.

Vestri gekk frá Þórsurum í seinni hálfleik

Vestri tók á móti Þór og vann að lokum öruggan sigur eftir markalausan fyrri hálfleik.

Vestri skoraði öll mörk sín á um átta mínútna kafla í seinni hálfleik.

Fyrst skoraði Nikolaj Madsen á 64. mínútu. Benedikt Waren tvöfaldaði svo forystuna. Þar næst skoraði Madsen aftur áður en Martin Montipo innsiglaði 4-0 sigur.

ÍR vann óvænt

2. deildarlið ÍR gerði sér lítið og sló út Lengjudeildarlið Fjölnis á útivelli.

Heimamenn komust yfir snemma leiks er Bergvin Fannar Helgason varð fyrir því óláni að skora sjálfsmark.

Lúkas Logi Heimisson tvöfaldaði forystuna um miðjan fyrri hálfleik. Staðan í hálfleik var 2-0.

Reynir Haraldsson minnkaði muninn fyrir ÍR á 56. mínutu. Stuttu síðar var hann búinn að jafna leikinn með sínu öðru marki.

Það liðu svo örfáar mínútur þar til gestirnir fengu víti. Á punktinn fór Reynir og gulltryggði þrennuna.

Lokatölur 2-3, frábærlega gert hjá ÍR.