Fjölmiðlar sitja nú fyrir utan heimili Lionel Messi og bíða frétt um framtíð hans. Sögur þess efnis að Lionel Messi sé mættur til Parísar til að ganga í raðir PSG eru rangar, hann er staddur í Barcelona og slakar þar á.

Lionel Messi grét á blaðamannafundi í gær er hann kvaddi uppeldisfélag sitt, Barcelona. Argentínumaðurinn er líklegur til að fara til PSG á frjálsri sölu en kappinn sagði að ekki væri búið að ákveða neitt. Búist var við að hann myndi endurnýja samning sinn við Barcelona í sumar en félagið er í fjárhagskröggum og gat ekki samið við Messi.

„Ég og fjöldskyldan mín vorum sannfærð um að við myndum vera hérna áfram, heima,“ sagði hann á blaðamannafundi á sunnudaginn.

Messi slakar nú á heimili sínu í Katalóníu og var að skella sér í sundlaugina með börnunum sínum þegar fréttamaður Sky Sports var fyrir utan heimili hans.

Messi var gómaður á sundbrókinni eftir að hafa fengið sér sprett og virtist í sínu besta skapi ef marka má fréttamann Sky.

🇦🇷 Lionel Messi has been spotted at his house in Barcelona – after rumours emerged that he was already on his way to Paris to sign for PSG. pic.twitter.com/gVMqUt2caz

— Football Daily (@footballdaily) August 9, 2021