Chelsea er tilbúið að greiða Inter Milan 93.25 milljónir punda fyrir fyrrverandi leikmann sinn, Romelu Lukaku. Sky Sports segir frá. Þeir bláklæddu gætu greitt upphæðina án þess að aðrir leikmenn séu innifaldir í samningnum en samningaviðræður eru enn í gangi.

Inter meta Lukaku á 101.7 milljónir punda svo að mögulegt er að félögin nái samkomulagi um leikmanninn. Chelsea hefur tvisvar boðið í Belgann, og seinna tilboðið var á 85 mp, ásamt Marcos Alonso. Lukaku sem er 28 ára gamall yfirgaf Chelsea árið 2014 eftir að hafa leikið einungis 15 leiki fyrir félagið.

Lukaku er einn besti markaskorari í Evrópu og skoraði 87 mörk í 166 leikjum fyrir Everton á árunum 2014-2017. Hann skoraði einnig 42 mörk í 96 leikjum á tveimur árum með Manchester United áður en hann færði sig yfir til Inter árið 2019.

Hann skoraði 24 mörk á síðasta tímabili og hjálpaði Inter að vinna ítölsku úrvalsdeildina í fyrsta sinn í 11 ár. Inter er í fjárhagskröggum og þarf að lækka tekjur leikmanna sína talsvert.

Chelsea menn eru ólmir í að kaupa heimsklassa framherja í sumarglugganum en Norðmaðurinn Erling Haaland er einnig sagður á óskalistanum hjá Evrópumeisturunum.