Raphael Varane mun fljúga til Manchester í dag. Hann er við það að ganga í raðir Manchester United frá Real Madrid.
Skiptin hafa legið í loftinu í töluverðan tíma. Nú styttist í að formlega verði gengið frá þeim. Kaupverðið er um 40 milljónir punda.
Hinn 28 ára gamli Varane mun skrifa undir samning við Man Utd til ársins 2025. Þá verður möguleiki á að framlengja samninginn til 2026.
Varane hefur verið hjá Real í áratug. Með félaginu hefur hann fjórum sinnum orðið Evrópumeistari og þrisvar sinnum Spánarmeistari.
Confirmed. Raphaël Varane ready to fly to Manchester today, contract until June 2025 + option 2026 set to be signed after quarantine and medical. 🔴👇🏻 #MUFC https://t.co/gc9dq0Q9k7
— Fabrizio Romano (@FabrizioRomano) August 5, 2021