Þremur leikjum var að ljúka í 15. umferð Pepsi Max deildar karla. Valur hafði betur í toppslagnum gegn KR, Stjarnan burstaði ÍA og HK sigraði FH á útivelli.
Valur tók á móti KR á Origo vellinum í kvöld. Valur styrkti stöðu sína á toppnum með 1-0 sigri. Bæði lið spiluðu leikinn nokkuð varfærnislega enda mikið í húfi. Tryggvi Hrafn Haraldsson braut ísinn á 74. mínútu og kom Valsmönnum yfir og dugði það til sigurs þrátt fyrir sóknarþunga KR-inga undir lokin. Þetta var fyrsta mark Tryggva fyrir Val.
Valur 1 – 0 KR
1-0 Tryggvi Hrafn Haraldsson (´74)
Stjarnan tók á móti ÍA á Samsungvellinum. Þar unnu heimamenn öruggan 4-0 sigur. Eggert Aron kom Stjörnunni yfir snemma leiks, Hilmar Árni Halldórsson bætti við öðru markinu og Magnus Anbo skoraði svo tvö mörk, annað í fyrri hálfleik og hitt í uppbótartíma seinni hálfleiks.
Stjarnan 4 – 0 ÍA
1-0 Eggert Aron Guðmundsson (´5)
2-0 Hilmar Árni Halldórsson (´24)
3-0 Magnus Anbo (´41)
4-0 Magnus Anbo (´93)
FH tók á móti HK í Kaplakrika. Heimamenn komust yfir strax á 1. mínútu með marki frá Jónatani Inga en Birnir Snær jafnaði stuttu síðar. Arnþór Ari kom gestunum yfir á 17. mínútu en Baldur Logi Guðlaugsson jafnaði metin eftir hálftíma leik. Eftir það skoruðu Birnir Snær og Atli Arnarsson sitt hvort markið og 2-4 sigur HK-inga því staðreynd.
FH 2 – 4 HK
1-0 Jónatan Ingi Jónsson (´1)
1-1 Birnir Snær Ingason (´5)
1-2 Arnþór Ari Atlason (´17)
2-2 Baldur Logi Guðlaugsson (´30)
2-3 Birnir Snær Ingason (´45)
2-4 Atli Arnarson (´54)
