Brasilíski markvörðurinn Alisson Becker hefur framlengt samning sinn við enska knattspyrnufélagið Liverpool. Samnningurinn gildir til ársins 2027.
Alisson kom til Liverpool frá Roma árið 2018 og er afar vinsæll hjá stuðningsmönnum félagsins.
Alisson hefur verið frábær í rammanum hjá Liverpool og unnið bæði ensku úrvalsdeildina og Meistaradeildina. Liverpool var lengi í markmannsvandræðum fyrir hans komu og er því mikil ánægja með kappan sem hefur verið ansi öruggur í markinu. Auk þess skoraði hann sigurmark Liverpool í leik gegn WBA undir lok síðustu leiktíðar sem var gríðarlega mikilvægt í Meistaradeildarbaráttunni.
„Þetta er besta ákvörðunin fyrir mig persónulega. Við höfum unnið titla eftir að ég kom og varð hluti af þessu frábæra liði. Ég hef þróast mikið í minni stöðu á þessum tíma,“ sagði Alisson við vefsíðu Liverpool.
„Konan mín er gríðarlega ánægð hérna og börnin líka.“
„Ég er gríðarlega ánægður að vera áfram í treyju Liverpool.“
He’s a ‘keeper… 🤩@Alissonbecker has signed a new long-term contract with the Reds 😁🙌
— Liverpool FC (@LFC) August 4, 2021
