Inter hefur hafnað tilboði Chelsea í Romelu Lukaku. Sky Sports greindi frá þessu í morgun.
Tilboðið hljóðaði upp á 85 milljónir punda. Ásamt þeirri fjárhæð bauð Chelsea bakvörðinn Marcos Alonso til ítalska félagsins.
Hinn 28 ára gamli Lukaku átti frábært tímabil á Ítalíu í fyrra. Hann skoraði 24 mörk í Serie A er Inter varð meistari. Framherjinn er sagður glaður í Mílanó.
Lukaku var á mála hjá Chelsea á árunum 2011 til 2014. Hann lék fimmtán leiki frir félagið á þeim tíma.
Heimsklassa framherji hefur verið á óskalista Chelsea í allt sumar. Erling Braut Haaland, hjá Dortmund, hefur einnig verið orðaður við félagið. Það er þó ekki útlit fyrir að hann gangi til liðs við Evrópumeistaranna í sumar.
