Hópur stuðningsmanna Aston Villa reyndi að sannfæra Jack Grealish að vera áfram hjá Aston Villa með því að segja að félagsskiptin til Manchester City myndu eyðileggja hann.

Jack Grealish hefur verið mikið orðaður við Englandsmeistarana í sumar og samkvæmt ýmsum miðlum á Englandi bauð félagið 100 milljónir punda í landsliðsmanninn síðasta föstudag.

Grealish er kominn úr stuttu sumarfríi eftir EM 2020 og byrjaður að æfa með Aston Villa. Hann var á æfingu hjá félaginu og leyfði stuðningsmönnum að taka myndir. Þar fékk hann að heyra setningar eins og „City er lítill klúbbur”, „þeir munu eyðileggja þig“ og „viltu í alvöru fara til félags sem var stofnað fyrir 10 árum?“ Grealish gaf ekkert uppi og hundsaði þessar athugasemdir. Myndband af þessu má sjá hér að neðan.

I’m crying 😭😭pic.twitter.com/8RcuiGk63q

— 🍁 (@ethanncfc) August 2, 2021