Fylkir tók á móti Leikni í 15. umferð Pepsi-Max deildar karla á Wurth vellinum í kvöld. Leiknum lauk með markalausu jafntefli liðanna.
Fyrri hálfleikur var ágætis skemmtun en liðunum gekk illa að ógna að alvöru. Fylkismenn fengu þó dauðafæri undir lok fyrri hálfleiks en Guy Smit varði á ótrúlegan hátt.
Seinni hálfleikur var nokkuð svipaður þeim fyrri, heimamenn náðu að búa til nokkrar ágætis sóknir en Guy Smit var frábær í markinu. Daði Ólafsson fékk beint rautt spjald í uppbótartíma fyrir tæklingu og brást illa við. Lokatölur því 0-0.
Leiknir er í 7. sæti deildarinnar og Fylkir í 9. sæti.
Fylkir 0 – 0 Leiknir
