Paul Pogba miðjumaður franska landsliðsins og Manchester United sleikir nú sárin eftir vonbrigðin á Evrópumótinu. Franskir fjölmiðlar segja frá því að Pogba sé staddur í Miami í Bandaríkjunum.

Pogba virðist hafa verið blóraböggull samherja sinna í franska liðinu þegar það féll úr leik í 16 liða úrslitum gegn Sviss.

Frakkland tapaði í vítaspyrnukeppni en franskir miðlar segja frá rifrildum leikmanna innan sem utan vallar í leiknum gegn Sviss. Þannig segir í fréttum að Adrien Rabiot samherji Pogba á miðsvæði Frakklands hafi skammað hann ítrekað í leiknum.

Rabiot þoldi ekki hvað Pogba var latur að verjast og lét hann vita af því. Raphael Varane varnarmaður liðsins las svo yfir Benjamin Pavard fyrir ömurlegan varnarleik.

Pavard svaraði fyrir sig og las yfir Pogba sem þótti slappur varnarlega en Pogba skoraði glæsilegt mark í leiknum og annað í vítaspyrnukeppninni. Varnarleikur hans var hins vegar slappur.

Leikmenn Frakklands rifust eins og hundur og köttur eftir leik og voru margir því að leti Pogba hefði verið dýrkeypt.