Brynjar Ingi Bjarnason, miðvörðurinn öflugi í liði KA, segir að það hafi verið erfiðara að mæta ÍA uppi á Skipaskaga í Pepsi Max-deildinni á dögunum heldur en það var að mæta pólska landsliðinu á þeirra heimavelli fyrr í mánuðinum. Hann var til viðtals á Akureyri.net í fyrradag.
Brynjar, sem er 21 árs gamall, fór á kostum í vinattulandsleikjaglugganum sem var nýlega. Þar lék hann sína þrjá fyrstu landsleiki. Hann skoraði til að mynda í leiknum gegn Póllandi.
Miðvörðurinn hefur einnig staðið sig mjög vel í deildinni hér heima með KA. Hann hefur undanfarið verið orðaður við lið erlendis. Þar á meðal er ítalska félagið Lecce. Það er ljóst að Brynjar spilar ekki mikið lengur á Íslandi.
Honum segist hafa liðip mjög vel inni á vellinum með landsliðinu þrátt fyrir að vera kominn á stóra sviðið. Þar nefndi hann leikinn gegn Pólverjum sem dæmi. Honum leið í raun betur þar heldur en þegar hann mætti ÍA uppi á Skaga í Pepsi Max-deildinni á dögunum.
,,Að vera inni á vellinum er allt öðru vísi en að horfa á leik utan frá, þá bara hugsar maður um að gera sitt. Mér fannst eiginlega erfiðara andlega að spila á Skaganum fyrir nokkrum dögum en í Póllandi. Aðstæður voru þannig að það gat í raun allt gerst en í Póllandi voru toppaðstæður þar sem maður gat einbeitt sér að því að spila sinn leik og þurfti ekki að hafa áhyggjur af einhverjum uppákomum vegna veðurs eða öðru slíku,“ sagði Brynjar.
Smelltu hér til að lesa viðtalið við Brynjar á Akureyri.net í heild sinni.