Harry Maguire mikilvægasti varnarmaður enska landsliðsins tók þátt í æfingu liðsins í dag, er þetta fyrsta fótboltaæfing Maguire í mánuð.
Maguire meiddist í leik með Manchester United í maí og hefur síðan þá verið fjarverandi. England leikur sinn fyrsta landsleik á Evrópumótinu á sunnudag.
Talið er að Maguire verði fjarverandi í fyrsta leik en Englendingar vonast til þess að hann komist á fullt skrið innan tíðar.
Maguire er ansi mikilvægur fyrir enska liðið og er Gareth Southgate að íhuga að fjölga í varnarlínunni í fjarveru hans.
Southgate vill spila með fjóra varnarmenn en í fjarveru Maguire verða þeir líklega fimm. Southgate æfði í gær með Kyle Walker, John Stones og Luke Shaw sem þrjá miðverði.
