Talið er Covid vegabréf verði prófuð á íþróttaviðburðum í Bretlandi á næstunni til að auka áhorfendafjöldann smátt og smátt fyrir EM 2020 sem haldið verður í sumar. Vonir standa til þess að hægt verði að taka á móti allavega 40 þúsund áhorfendum á Wembley í úrslitaleik EM í sumar.

Mun vegabréfið, sem aðgengilegt verður í snjallsímum, sýna fram á að fólk hafi verið bólusett, hvort fólk sé með mótefni eða neikvæða niðurstöðu úr Covid prófi.

Enska knattspyrnusambandið stendur fast á því að hleypa fólki á leiki á EM í sumar og má reikna má með fjölda af fólki á fótboltaleikjum í lok júní ef Covid vegabréf verða notuð á leikjunum.

Þessi vegabréf myndu svo tryggja það að við þyrftum ekki að horfa aftur á áhorfendalausa leiki í ensku úrvalsdeildinni á næsta tímabili.

4000 áhorfendum var nýlega hleypt á undanúrslitaleik Leicester og Southampton á Wembley. Mikil ánægja var með þá tilraun og vonir standa um það að vegabréfið hjálpi verulega við að auka þann fjölda.