Midtjylland og Bröndby mættust í toppslag dönsku úrvalsdeildarinnar í dag. Leiknum lauk með 1-0 sigri Midtjylland en um sannkallaðan Íslendingaslag var að ræða.
Mikael Neville Anderson var í byrjunarliði Midtjylland og spilaði 62 mínútur í dag og Hjörtur Hermannsson stóð vaktina í varnarlínu Bröndby og spilaði 80 mínútur.
Eina mark leiksins kom á 19. mínútu en það skoraði Sory Kaba eftir stoðsendingu frá Erik Sviatchenko.
Midtjylland komst með sigrinu upp fyrir Bröndby í 1. sæti deildarinnar. Þar situr liðið með 46 stig, einu stigi meira en Bröndby sem situr í 2. sæti.
