Franco Acosta 25 ára knattspyrnumaður frá Úrúgvæ er látinn en hann lék með Club Atletico Atenas þar í landi. Áður hafði Acosta verið á Spáni þar sem hann lékk með Villarreal og Racing Santander.
Lík Acosta fannst í Pando ánni, þar hafði hans verið leitað í tvo sólarhringa án árangurs.
Acosta hafði verið að fagna 25 ára afmæli sínu með fjölskyldu sinni þegar hann ákvað að reyna að synda yfir ánna. Straumurinn var hins vegar mikill og tók hann Acosta.
Lík hans fannst skammt frá þeim stað sem hann sást fara á kaf ofan í ánna. „Við erum sorgmædd yfir andláti Acosta,“ sagði í yfirlýsingu frá knattspyrnusambandi Úrúgvæ.
Bróðir Acosta var með í för þegar hann fór yfir ánna en honum tókst að koma sér á þurrt land. Herinn í Úrúgvæ sá um leitina og fann Acosta í gærkvöld.