Manchester United hefur tekið 60 milljóna punda lán til að hjálpa félaginu í gegnum tekjubrestinn vegna kórónuveirunnar. Stuðningsmenn hafa ekki mætt á völlinn í heilt ár.
United hefur aðgang að 200 milljónum punda í gengum lánalínu, félagið nýtt sér 60 milljónir punda af því á seinni hluta síðasta árs.
Félagið birti í gær skýrslu um fjárhagsstöðu félagsins miðað við 31 desember og fer yfir sex mánuðina þar á undan í rekstri.
Félagið telur sig hafa tapað 100 milljónum punda vegna kórónuveirunnar en tekjur á leikdegi lækkuðu um 94,2 prósent á milli ára. Seinni helming ársins 2019 þénaði United 55,2 milljónir punda á leikdegi. Á seinni helmingi ársins 2020 fékk United 3,2 milljónir punda í tekjur á leikdegi.
Tekjur United voru 22 milljónum punda minni í heildina miðað við sama tíma árið á undan, United tókst að brúa bilið með því að vera í Meistaradeildinni og tekjufallið því ekki eins mikið.
Skuldir United jukust 16,4 prósent og skuldar félagið nú 455,5 milljónir punda. Hagnaður United var 33,8 milljónir punda miðað á seinni helmingi ársins 2020.
