Miguelina Eloi Assis dos Santos, móðir Ronaldinho var jörðuð í Brasilíu um helgina. Ronaldinho var hins vegar ekki viðstaddur í jarðarför hennar.
Hún hafði háð erfiða baráttu við Covid-19 sjúkdóminn. Hún lést á laugardag og var jörðuð um helgina, Ronaldinho upplifir mikla sorg og treysti sér ekki að ganga síðasta spölinn með móður sinni.
Hún hafði verið lögð inn á Mae de Deus spítalann í Porto Alegre í desember og náði sér ekki eftir að hafa greinst með veiruna.
„Ég og fjölskylda mín viljum þakka fyrir alla þá ást og stuðning sem við höfum fengið á þessum mjög svo erfiðu tímum,“ skrifar Ronaldinho í færslu á Instagram um áfallið að missa móður sína.
„Móðir mín var hvetjandi manneskja sem hafði styrk og gaf mikla gleði af sér. Hún halda áfram að lýsa upp lífið okkar að eilífu.“
„Með þeim lífsreglum sem hún kenndi okkur munum við halda áfram veginn.“
View this post on Instagram
