Leeds United tók á móti Southampton í ensku úrvalsdeildinni í kvöld. Leikurinn endaði með 3-0 sigri Leeds en leikið var á Elland Road, heimavelli liðsins.
Fyrsta mark leiksins kom á 47. mínútu, það skoraði Patrick Bamford eftir undirbúning frá Tyler Roberts. Leeds því komið 1-0 yfir.
Þannig stóðu leikar allt þar til á 78. mínútu þegar að Stuart Dallas, tvöfaldaði forystu heimamanna með marki eftir stoðsendingu frá Hélder Costa.
Það var síðan hinn brasilíski Raphinha sem innsiglaði 3-0 sigur Leeds með marki á 84. mínútu.
Leeds kemst með sigrinum upp fyrir Wolves og Arsenal í 10. sæti deildarinnar þar sem liðið er með 35 stig. Southampton situr í 14. sæti með 30 stig.
Leeds United 3 – 0 Southampton
1-0 Patrick Bamford (’47)
2-0 Stuart Dallas (’78)
3-0 Raphinha (’84)