Martin Odegaard leikmaður Real Madrid hefur beðið um að komast burt frá félaginu og spænskir fjölmiðlar segja að hann sé nálægt því að ganga í raðir Arsenal.

AS á Spáni segir að norski landsliðsmaðurinn sé skrefi er nær Arsenal, samkomulag er nánast í höfn samkvæmt AS.

Leicester hefur haft áhuga á Odegaard en hann hefur meiri áhuga á að fara til Arsenal, Odegaard hefur spilað 25 landsleiki fyrir Noreg.

Odegaard kom ungur að árum til Real Madrid en þessi 22 ára leikmaður kom aðeins 16 ára til félagsins, hann hefur ekki náð að slá í gegn hjá félaginu.

Odegaard hefur farið á lán og átti frábært tímabil með Real Sociedad í fyrra, hann vonast til þess að komast til Englands innan tíðar og slá í gegn.

Odegaard er framsækinn miðjumaður sem getur skorað og lagt upp mörk fyrir samherja sína.