Það verður mikið fjör í ensku úrvalsdeildinni um helgina og þá sérstaklega á sunnudag þegar toppliðin Liverpool og Manchester Untied eigast við á Anfield. Manchester United er með þriggja stiga forskot á Liverpool á toppi deildarinnar.
Það gæti orðið hausverkur fyrir Jurgen Klopp, stjóra Liverpool að stilla upp varnarlínu. Hann bíður enn og vonar að Joel Matip hafi heilsu til að spila leikinn.
Matip hefur ekki spilað síðan í 1-1 jafntefli við West Brom í lok desebmer. Hann finnur fyrir eymslum framan í læri og hefur ekki getað æft.
Matip er meiðslagjarn en í fjarveru Virgil van Dijk og Joe Gomez er mikilvægt fyrir Klopp að hafa Matip heilan heilsu.
EF Matip nær ekki leiknum mun Klopp líklega velja á milli Nat Phillips eða Rhys Williams til að spila með Fabinho í hjarta varnarinnar. Jordan Henderson lék sem miðvörður í síðasta deildarleik en það er talið ólíklegt að Klopp fari þá sömu leið aftur.