Mike Dean, knattspyrnudómari, þurfti í gær að gera hlé á leik Stockport County og West Ham United í enska bikarnum um stund. Ástæðan fyrir hléinu var flugeldasýning sem skotið var upp rétt fyrir utan heimavöll Stockport.
Á þeirri stundu var ekki vitað hvers vegna flugeldasýningu var skotið upp að kvöldi 11. janúar 2021. Það hefur hins vegar komið í ljós að það var gert til stuðnings 15 ára strák sem liggur á sjúkrahúsi.
Khai Whitehead, lenti í slysi á öðrum degi jóla þegar hann varð fyrir lögreglubíl. Khai hlaut í kjölfarið alvarlega höfuðáverka og berst nú fyrir lífi sínu á sjúkrahúsi.
Ekki var mikil trufun á leiknum sökum flugeldasýningarinnar, heldur nutu dómarar og leikmenn sýningarinnar á meðan að henni stóð þó að hávaðinn hafi verið gríðarlegur.
Fans set off fireworks during Stockport v West Ham FA Cup match pic.twitter.com/oElxsEzAlp
— Huw Selby (@huwselby) January 11, 2021
