Það eru fundarhöld á æfingasvæði Liverpool í dag þar sem Jurgen Klopp stjóri liðsins ræðir við Gini Wijnaldum miðjumann félagsins. Hollenski miðjumaðurinn kemur til æfinga í dag.
Wijnaldum á aðeins ár eftir af samningi sínum og viðræður um nýjan samning hafa ekki borið árangur. Barcelona hefur áhuga á honum.
Melissa Reddy hjá Independent fjallar um málið en hún er vel tengd hjá Liverpool.
Þessi 29 ára miðjumaður vill vera áfram hjá Liverpool en ef ekki tekst að semja um nýjan samning gæti tilboð Barcelona heillað hann.
Reddy segir að draumur Klopp sé að losa minni spámenn til að geta keypt Thiago frá FC Bayern, ef ekki gæti Wijnaldum verið til sölu til að fá Thiago inn á miðsvæðið.
