Enskir fjölmiðlar greina frá því að Phil Foden og Mason Greenwood verði ekki valdir í enska landsliðið fyrir komandi verkefni eftir næturbrölt sitt á Hótel Sögu með Nadíu Sif Líndal og Láru Clausen.
Foden og Greenwood komust í heimsfréttirnar eftir að hafa brotið sóttvarnarreglur á Íslandi þegar enska landsliðið var hér á landi.
Þeir félagar buðu Nadíu og Láru á hótelið sitt vitandi að þeir máttu ekki hitta neinn utan liðsins, þeir voru reknir úr landsliðshópnum eftir að 433.is greindi fyrst allra frá málinu.
Meira:
Lára segist hafa gert mistök með því að taka heimsóknina í gær upp – „Ég finn til með kærustunni“
Enska landsliðið er á leið í verkefni í Þjóðadeildinni og Gareth Southgate mun tilkynna hóp sinn á morgun, þeir félagar verða ekki í honum.
„Við höfðum ekki hugmynd um þessar reglur, þeir sögðu aldrei að við mættum ekki taka myndir. Við erum búnir að senda þeim og láta vita en þeir hafa ekki opnað það,“ sagði Nadía Sif við blaðamann eftir að atvikið komst upp.
Phil Foden and Mason Greenwood are expected to be dropped from Gareth Southgate’s England squad, when it is announced on Thursday.
— Sky Sports Premier League (@SkySportsPL) September 30, 2020