Þróttur Reykjavík hefur rekið þjálfara sinn Gunnar Guðmundsson. Þetta kemur fram í yfirlýsingu á heimasíðu félagsins.
,,Stjórn knd. Þróttar hefur gert breytingu hjá mfl. karla sem verður til þess að þeir Gunnar Guðmundsson og Srdjan Rakjovic láta af störfum. Í þeirra stað koma til starfa til loka tímabilsins þeir Tómas Ingi Tómasson, Bjarnólfur Lárusson, Hallur Hallsson og Jamie Brassington markmannsþjálfari. Að auki mun Þórður Einarsson yfirþjálfari starfa með hópnum. Það er bæði von okkar og trú að þessi hópur muni leiða liðið farsællega þennan tíma sem eftir er af keppnistímabilinu. Þeim Gunnari og Rajko er þakkað óeigingjarnt starf. Jafnframt vill stjórn knd. óska þeim alls hins besta í framtíðinni,“ segir í tilkynningu Þróttar.
Hjörvar Hafliðason (Dr.Football) greindi frá því fyrr í dag á Twitter síðu sinni að Þróttur Reykjavík væri búið að reka þjálfara liðsins.
Gengi liðsins hefur ekki verið nægilega gott í sumar. Liðið situr í 10. sæti Lengjudeildarinnar og berst fyrir lífi sínu í deildinni.
Þróttur tapaði í gær fallbaráttuslag við Magna og nú eru þrjú neðstu lið deildarinnar öll með 12 stig.
Gunni Guðmunds rekinn frá Þrótti. Ræðum í Doc á morgun.
— Hjörvar Hafliðason (@hjorvarhaflida) September 30, 2020