Manchester United hefur átt samtal við umboðsmann N´Golo Kante um að ganga í raðir Manchester United frá Chelsea. Enska blaðið Mirror segist hafa öruggar heimildir fyrir því.
Kante þénar tæplega 300 þúsund pund á viku en United er ekki tilbúið að greiða honum slík laun. Chelsea er að skoða það að selja nokkra leikmenn og gæti Kante komið til greina.
Kante lék áður með Leicester þar sem hann varð enskur meistari en hann varð einnig enskur meistari með Chelsea.
Þá segja flest allir fjölmiðlar frá því að United muni leggja fram 90 milljóna punda tilboð í Jadon Sancho kantmann Dortmund nú í upphafi vikunnar.
Sancho hefur verið efstur á óskalista Manchester United í sumar en Dortmund hefur hingað til heimtað 105 milljónir punda fyrir hann.
