Stórleikur dagsins í ensku úrvalsdeildinni var án efa leikur Liverpool og Chelsea. Markalaust var í fyrri hálfleik þrátt fyrir einhverjar tilraunir hjá báðum liðum. Liverpool hélt boltanum aðeins betur í fyrri hálfleiknum en Chelsea náði þó nokkuð góðum tökum á leikin undir lok fyrri hálfleiks. Rétt áður en flautað var til hálfleiks náði þó Sadio Mané að skjótast einn í gegn en var tekinn niður af danska varnarmanninum Andreas Christensen. Dómarinn gaf Christensen gult spjald fyrir brotið en eftir nánari skoðun með VAR-tækninni ákvað hann að gefa honum það rauða.
Í seinni hálfleik náði Sadio Mané að koma Liverpool yfir. Það gerði hann á 50. mínútu eftir stoðsendingu frá Roberto Firmino. Fjórum mínútum síðar náði Mané að skora annað mark eftir skelfileg mistök markmanns Chelsea, Kepa Arrizabalaga. Chelsea fékk tækifæri til að minnka muninn á 75. mínútu þegar liðið fékk víti en Jorginho klúðraði vítinu og var lokaniðustaðan 0-2 sigur Liverpool.
Jurgen Klopp stjóri Liverpool hefur fengið mikið lof fyrir því hvernig hann brást við þegar starfslið hans og varamenn fóru að klappa í stúkunni. Nokkrir úr starfsliði Liverpool fóru að klappa í stúkunni þegar Christensen fékk að líta rauða spjaldið hjá Chelsea.
„Eru þið klikkaðir? Í alvörunni? Svona gerum við aldrei,“ sagði Klopp reiður við starfslið sitt og heyra mátti orð hans í sjónvarpi sökum þess að engir áhorfendur eru á vellinum.
Atvikið má sjá hér að neðan.
— vidfooty (@vidfooty1) September 20, 2020
