Jafntefli var niðurstaðan í leik Víkings frá Reykjavík og HK í Pepsi-Max deild karla í kvöld. Leikið var á Víkingsvelli.
Bjarni Gunnarsson kom HK yfir á 75. mínútu með skallamarki. Fimm mínútum síðar jöfnuðu Víkingar þó leikinn, þar var að verki Ágúst Eðvald Hlynsson.
HK-ingar léku seinustu mínútur leiksins manni færri. Ívar Örn Jónsson fékk sitt annað gula spjald á 83. mínútu.
Fleiri mörk voru ekki skoruð í leiknum. Niðurstaðan 1-1 jafntefli.
Víkingur R er eftir leikinn í 9. sæti deildarinnar með 15 stig eftir 14 leiki. HK er í 7. sæti með 18 stig eftir 15. leiki.
Víkingur R. 1-1 HK
0-1 Bjarni Gunnarsson (’75)
1-1 Ágúst Eðvald Hlynsson (’80)
Rautt spjald: Ívar Örn Jónsson, HK (’83)
