Jota, sem er 23 ára gamall, spilaði síðustu þrjú tímabil með Wolves. Hann spilaði 67 leiki með liðinu og skoraði 16 mörk í þeim leikjum. Þá skoraði hann einnig 9 mörk í 14 Evrópudeildarleeikjum í fyrra og skoraði sitt fyrsta mark með landsliðinu gegn Króatíu fyrr í þessum mánuði.
„Þetta er mjög spennandi augnablik fyrir mig og fjölskylduna mína,“ sagði Jota í viðtali sem birtist á heimasíðu Liverpool. „Þetta er ótrúlegt, ég get ekki beðið eftir að byrja. Þetta er eitt af bestu liðum í heiminum, það besta í augnablikinu. Það var ómögulegt að segja nei við þessu.“
Jota mun klæðast treyju númer 20 hjá félaginu. „Ég mun alltaf gera mitt besta, ég mun alltaf reyna að hjálpa liðinu á þann veg sem hentar best. Stuðningsmennirnir geta stólað á mig núna því ég er einn af þeim og mun gera mitt besta.“
