Þó nokkrir Íslendingar spiluðu í forkeppni Evrópudeildarinnar í kvöld. Tveir Íslendingar af þeim sex sem spiluðu komust áfram í næstu umferð keppninnar.
Arnór Ingvi Traustason kom inn á sem varamaður á 79. mínútu og skoraði annað mark Malmö sem sigraði Hanvéd frá Ungverjalandi 2-0. Leikið var í Budapest.
Alfons Sampsted kom inn á sem varamaður á 72. mínútu er lið hans Bodo/Glimt frá Noregi sigraði Zalgiris Vilnius frá Litháen, 3-1.
Rúnar Már Sigurjónsson spilaði allan leikinn er lið hans Astana frá Kazakstan, tapaði 0-1 á heimavelli fyrir Buducnost frá Svartfjallalandi. Astana því úr leik.
Willum Þór Willumsson spilaði allan leikinn fyrir lið sitt Bate Borisov sem tapaði 2-0 á útivelli fyrir CSKA Sofia í Búlgaríu.
Jón Dagur Þorsteinsson var í byrjunarliði AGF og spilaði 76.mínútur er lið hans steinlá fyrir Mura frá Slóveníu. Lokatölur 3-0.
Axel Óskar Andrésson var í byrjunarliði Viking sem tapaði 0-2 fyrir skoska liðinu Aberdeen. Axel var skipt útaf á 76. mínútu.
86′ MÅÅÅÅL! Arnór Traustason gör förlösande 2-0! #HONMFF | 0–2 pic.twitter.com/8gTVyBaba7
— Malmö FF (@Malmo_FF) September 17, 2020
