Gareth Barry er hættur í fótbolta og ætlar sér að selja húsið sitt sem er í úthverfi Manchester. Barry lék með Aston Villa, Manchester City, Everton og West Brom á ferli sínum.
Barry keypti húsið sitt á 3,2 milljónir punda árið 2009 og vildi fá 4,6 milljónir punda fyrir það þegar það fór á sölu í fyrra.
Ekkert gekk hjá Barry að selja höllina og hefur hann lækkað verðið um eina milljón punda eða 180 milljónir króna.
Í húsinu eru sjö svefnherbergi, hesthús fyrir 13 hesta, sundlaug, bíósalur og fleira gott. Auk þess er risastór bílskúr fyrir fjölda bifreiða.
Myndir af höllinni eru hér að neðan.
