Manchester United er að ganga frá kaupum á Charlie McNeill eftir að hafa náð samkomulagi við Manchester City um kaupverð.
McNeill hafnaði nýjum samningi en United þurfti að semja við City um kaupverð vegna aldurs en hann er 17 ára gamall.
McNeill var ekki í lykilhlutverki í U18 ára liði City á síðustu leiktíð og vildi því fara.
United borgar 750 þúsund pund til að byrja með en kaupverðið gæti nánast tvöfaldast. City fær svo hagnað af næstu sölu.
McNeill er framherji sem margir hafa trú á en Manchester United reynir að styrkja lið sitt fyrir komandi leiktíð, þó McNeill sé ólíklegur til þess að taka mikið þátt.
