Flestir lykilmenn Íslands mæta ekki til leiks þegar liðið mætir Englandi og Belgíu í Þjóðadeildinni. Jóhann Berg Guðmundsson, Alfreð Finnbogason, Gylfi Þór Sigurðsson og Aron Einar Gunnarsson mæta ekki til leiks. Ástæður þeirra eru misjafnar en Jóhann Berg og Alfreð hafa verið meiðslum hrjáðir síðustu ár. Þá er Ragnar Sigurðsson meiddur þessa stundina.
Liðið leikur gegn Englandi á laugardag en það verður hausverkur fyrir Erik Hamren þjálfara liðsins að velja byrjunarlið sitt.
Hannes Þór Halldórsson og Kári Árnason verða aðeins í hópnum gegn Englandi en fara ekki með til Belgíu. Áhugavert verður að sjá hvaða leið Hamren og Freyr Alexandersson fara gegn sterku ensku liði.
Hér að neðan má sjá líklegt byrjunarlið að mati 433.is.
Líklegt byrjunarlið Íslands (4-4-1-1):
Hannes Þór Halldórsson | Valur
Hólmar Örn Eyjólfsson | Levski Sofia
Sverrir Ingi Ingason | PAOK
Kári Árnason | Víkingur R
Ari Freyr Skúlason | KV Oostende
Arnór Ingvi Traustason | almö FF
Guðlaugur Victor Pálsson | SV Darmstadt 98
Birkir Bjarnason | Brescia
Mikael Neville Anderson | Midtjylland
Jón Daði Böðvarsson | Millwall
Kolbeinn Sigþórsson | AIK
