Willan, sem er 31 árs, vildi ekki skrifa undir framlengingu sem Chelsea bauð honum en framlengingin var til tveggja ára. Hann vildi fá þriggja ára samning eða ekkert frá Chelsea. Arsenal virðist hafa hugsað sér gott til glóðarinnar þar sem félagið er sagt hafa boðið Willian samning til þriggja ára. Samkvæmt ESPN þá hljóðar samningurinn upp á 100 þúsund pund, eða um 18 milljónir króna, á viku fyrir Willian.
Umboðsmaður Willian, Kia Joorabbchian sagði í samtali við talkSPORT að Willian væri kominn með tilboð frá tveimur félögum í ensku úrvalsddeildinni. Þá sagði hann einnig að þrjú önnur félög í öðrum deildum hefðu áhuga, þar af eitt í MLS-deildinni í Bandaríkjunum. „Hann ætlar að taka ákvörðun eftir síðasta leik tímabilsins,“ sagði umboðsmaðurinn.