Margarida Coceiro, fyrirsæta og kærasta knattspyrnumannsins Joao Felix sem leikur með Atletico Madrid, deildi mynd af kynfærum karlmanns á Instagram-síðuna sína. Hún vill þó halda því fram að ekki sé um að ræða kynfæri kærastans síns. The Sun greinir frá.

Myndin sem um ræðir sýndi mann á nærbuxunum og virtist myndin vera saklaus. Fylgjendur Coceiro urðu þó hissa þegar þau sáu að eistu karlmannsins sáust frekar vel á myndinni. Fylgjendur hennar, sem eru rúmlega 740 þúsund, bjuggust strax við að um væri að ræða kynfæri kærasta hennar, Joao Felix.

Coreiro hefur tekið eftir þessu og eytt myndinni en hún vill meina að myndin hafi ekki verið af kærasta sínum. Hún útskýrir síðan mál sitt á Instagram-síðu sinni. „Eins og þið sáuð þá setti ég klikkaða mynd inn á Instagram-síðuna mína. Á hverjum degi fæ ég 50 þúsund skilaboð á Instagram og WhatsApp og það sem gerðist (sem hefur örugglega komið fyrir ykkur einhvern tíma) er að ég ætlaði að deila myndinni við hliðina á þessari en fyrir mistök þá deildi ég óvart vitlausri mynd.“

Þá segir hún einnig að myndin sé ekki af neinum sem hún þekkir og að hún hafi verið mjög leið þegar hún sá hvað gerðist. „Mér þykir þetta leitt. Ég mun gera allt sem ég get til að koma í veg fyrir að þetta gerist aftur.“