Mikael Neville Anderson er danskur meistari með liði sínu FC Midtjylland.
Þetta varð ljóst í kvöld en Midtjylland spilaði við FC Kaupmannahöfn á heimavelli.
Mikael var á sínum stað á vinstri vængnum en hann var tekinn af velli þegar 10 mínútur voru eftir.
FCK komst yfir snemma í fyrri hálfleik en heimamenn skoruðu þrjú í þeim seinni og unnu 3-1 sigur.
Midtjylland er með 78 stig á toppi deildarinnar, 17 stigum á undan FCK sem er í öðru sæti.