Nemanja Matic, leikmaður Manchester United, hefur skrifað undir nýjan samning við félagið.
Frá þessu greint í kvöld en blaðamaðurinn virti Gianluca Di Marzio fullyrðir fréttirnar.
Matic skrifaði undir samning til ársins 2023 og er því samningsbundinn næstu þrjú árin.
Serbinn hefur spilað með United undanfarin þrjú ár en hann kom frá Chelsea árið 2017.
Síðan þá hefur Matic spilað 80 deildarleiki og skorað í þeim tvö mörk.