Víkingur 1-2 Stjarnan
Fyrsta mark leiksins kom á fyrstu mínútunni en það var Emil Atlason sem skoraði markið og kom Stjörnumönnum yfir. Fleiri mörk voru ekki skoruð í fyrri hálfleik en snemma í þeim seinni náði Hilmar Árni Halldórsson að auka forystu Stjörnunnar með marki eftir skyndisókn. Stuttu seinna náðu Víkingar að minnka muninn með marki sem Nikolaj Hansen skoraði eftir stoðsendingu frá Kára Árnasyni. Fleiri urðu mörkin þó ekki og endaði leikurinn því með 1-2 sigri Stjörnunnar sem er nú komin í 8-liða úrslit.
Fram 1-1 Fylkir (4-3 í vítaspyrnukeppni)
Fylkir náði að komast yfir í lok fyrri hálfleiks en það var Þórður Gunnar Hafþórsson sem skoraði markið fyrir Fylkismenn. Fram fékk víti á 65. mínútu en Þórir Guðjónsson náði ekki að nýta vítið. Á 72. mínútu fékk Arnór Borg Guðjohnsen, leikmaður Fylkis seinna gula spjaldið sitt og uppskar því rauða spjaldið. Fylkir léku því manni færi en allt virtist sem Fylkir næði að sigla þessu heim. Þangað til á lokamínútunni. Þá skoraði Fred Saraiva fyrir Fram og jafnaði metin og fór leikurinn í framlengingu.
Hvorugt liðanna náði að skora í framlengingunni og endaði leikurinn því á vítaspyrnukeppni. Þar var staðan jöfn eftir fyrstu 8 spyrnurnar en Ásgeir Eyþórsson, leikmaður fylkis skaut sinni spyrnu yfir markið og Fred Saraiva skoraði síðan fyrir Framara og tryggði þeim sigur í leiknum. Fram komst því áfram og mun leika 8-liða úrslitum Mjólkurbikarsins.
