Engir áhorfendur verða á þeim leikjum sem fara fram á vegum KSÍ í kvöld. Gísli Gíslason, varaformaður KSÍ, staðfesti þetta í samtali við DV í dag.

Stuttu eftir símtal DV við Gísla sendi KSÍ út tilkynningu þar sem fram kom að stjórn sambandsins hafi fundað í dag vegna aðgerðana. „Þeir fulltrúar fjölmiðla sem starfa við leiki kvöldsins hafa hefðbundinn aðgang að leikjunum,“ segir í tilkynningunni en einnig að stjórnin hafi ákveðið að fresta leikjum í meistara- og 2. flokki karla og kvenna frá 31. júlí til og með 5. ágúst. Þá verður staðan endurmetin fyrir 5. ágúst í samráði við heilbrigðisyfirvöld.