Pep Guardiola, stjóri Manchester City, segir að leikmenn Liverpool geti ekki kennt áfengi um 4-0 tapið í gær.
Liverpool mætti varla til leiks á Etihad völlinn og tapaði illa gegn Guardiola og hans lærisveinum.
Leikmenn liðsins hafa þó fagnað mikið síðustu vikuna enda var titillinn tryggður fyrir helgi.
,,Þeir hafa drukkið marga bjóra undanfarna viku,“ sagði Guardiola við Sky Sports og brosti.
,,Það var enginn bjór í blóðinu þeirra í kvöld. Þess vegna eigum við hrós skilið fyrir hvernig við spiluðum.“
,,Við sigruðum meistarana, sérstakt lið. Þeir eru besta lið sem ég hef mætt þegar kemur að hápressu. Hvernig þeir nota hana er magnað.“