Lallana er að öllum líkindum að fara til Brighton eftir sex ár hjá Liverpool en samningur hans rann nýverið út. Lallana er sagður vera á leiðinni í læknisskoðun hjá Brighton í dag en Brighton spilar einnig í efstu deild Englands.
Lallana og Henderson eru gríðarlega góðir vinir. Lallana segir frá því þegar hann og Henderson voru að keyra saman eftir 3-3 jafntefli gegn Sevilla í Evrópudeildinni. Liverpool var 3-0 yfir en missti forystuna og endaði leikurinn því með jafntefli. „Þetta var eins og tap. Ég man eftir því að Hendersson var með hettuna á sér og sagði: „sem fyrirliði þá á þetta ekki að gerast, ég verð að vera ábyrgur fyrir þessu.“ Bara það að heyra hreinskilnina í honum, hann tók þetta allt á sig en þetta var á ábyrgð alls liðsins. Við töpuðum ekki einu sinni leiknum,“ sagði Lallana og hélt aftur tárunum.
„Þetta sýnir bara hversu hógvær hann er og ábyrgðina sem hann tekur á sig fyrir félagið þegar slæmu augnablikin koma, hann tekur ekki bara ábyrgðina í góðu augnablikunum. Þess vegna átti hann það skilið að lyfta bikarnum, meira en nokkur annar. Hann á það skilið að vera fyrirliði Liverpool sem vinnur fjóra bikara á einu tímabili, meira en nokkur annar.“
Best friends, teammates and now Premier League champions.
Adam Lallana pays an emotional tribute to his captain, @JHenderson ❤️ pic.twitter.com/ocRq5jH6C9
— Liverpool FC (Premier League Champions 🏆) (@LFC) July 24, 2020